Польскі праязны дакумент, ці Яшчэ адна магчымасць жыць без пашпарта

06/09/2023 - 14:22

Польскі праязны дакумент / dziennikustaw.gov.pl/DU

Польскі праязны дакумент / dziennikustaw.gov.pl/DU / Dziennik Ustaw Rzeczypospolitej Polskiej / https://dziennikustaw.gov.pl/DU

"Абсалютна дакладна не варта рызыкаваць сваёй свабодай дзеля дакументаў", — перакананая кіраўніца дэпартамента прававой дапамогі Цэнтра беларускай салідарнасці Вольга Дабравольская.

Нават калі ў вас заканчваецца тэрмін дзеяння пашпарта, не спяшаецеся ісці ў консульства (дзе вам яго ўсё роўна не падоўжаць) ці браць білет на Радзіму, які можа аказацца білетам у адзін канец.

Раней Еўрарадыё апублікавала матэрыял, як атрымаць у Польшчы міжнародную абарону. Яшчэ адзін варыянт легальнага знаходжання за мяжой без пашпарта — гэта афармленне польскага праязнога дакумента.

У святле апошніх падзей Вольга Дабравольская апублікавала ў сваім Instagram кароткую памятку пра тое, што ўяўляе сабой гэты дакумент, хто можа яго атрымаць, як гэта зрабіць і як спрасцілі гэтую працэдуру для грамадзян Беларусі.

Как белорусу получить польский проездной документ — инструкция от юристов

Вольга Дабравольская / Еўрарадыё

Што такое польскі праязны дакумент?

Польскі праязны дакумент — гэта дакумент, прызначаны для замежніка, у якога няма дзейнага пашпарта (праязнога дакумента) краіны яго паходжання (напрыклад, Беларусі). Такі дакумент замяняе беларускі пашпарт у паездках за мяжу. Часцяком беларусы сутыкаліся з праблемай, калі пашкоджвалі, гублялі свой пашпарт альбо тэрмін яго дзеяння мінаў. Дзякуючы польскаму праязному дакументу ў вас не будзе патрэбы атрымліваць новы беларускі пашпарт для паездак за мяжу.

Калі можна атрымаць польскі праязны дакумент:

— пашпарт згублены;
— пашпарт пашкоджаны або непрыдатны для выкарыстання;
— тэрмін яго дзеяння скончыўся;
— яго ніколі не было (толькі для грамадзян Беларусі).

Які від на жыхарства ў вас павінен быць?

— пастаянны від на жыхарства;
— дазвол на знаходжанне доўгатэрміновага рэзідэнта ЕС;
— дадатковая абарона;
— дазвол на знаходжанне па гуманітарных прычынах;
— часовы від на жыхарства на любых падставах (толькі для грамадзян Беларусі).

Як атрымаць:

— запоўніць заяву;
— прыкласці 2 фотаздымкі і пашпарт ці іншы дакумент, які пацвярджае асобу і грамадзянства;
— прадставіць копію дазволу на знаходжанне;
— пацвярджэнне рэгістрацыі па месцы жыхарства (zameldowanie);
— дакументы, неабходныя для пацверджання абставінаў, указаных у заяве (напрыклад, дакументы, якія пацвярджаюць немагчымасць атрымання пашпарта ў краіне паходжання, дакументы, рашэнне аб прадстаўленні дадатковай абароны на тэрыторыі Польшчы);
— гербавы збор (грамадзяне Беларусі вызваленыя).

Спецыяльныя спрашчэнні для грамадзян Беларусі:

— вызваленне ад выплаты дзяржаўнай пошліны;
— польскі праязны дакумент могуць атрымаць таксама тыя, хто не меў пашпарта (напрыклад, дзеці, народжаныя ў Польшчы);
— не трэба даказваць немагчымасць атрымання пашпарта ў краіне паходжання;
— можна мець часовы від на жыхарства на любых падставах (праца, вучоба, гуманітарная віза, уз'яднанне з сям'ёй і гэтак далей).

Важна разумець: польскі праязны дакумент выдаецца на 1 год. Падаць заяву неабходна ў ваяводскае кіраванне па месцы жыхарства.

Больш падрабязна пра польскі праязны дакумент можна пачытаць на старонках 12-14 даведніка Цэнтра беларускай салідарнасці або запісаўшыся на кансультацыю: https://t.me/cbs_help/899.